सँझिया के बेरवा कि भोली रे चिरईयाँ- अमरेन्द्र कुमार सिंह

BY Suryakant Pathak17 Jun 2017 9:19 AM GMT

सँझिया के बेरवा कि भोली रे चिरईयाँ-

कईली खोंतवा के ओरिया पयान-1

गईया रँभा ये भईसियाँ पेन्हाये-

कि बछवा बन्हईले बथान-2

दियावा बरईले अगिया जोरईले-

कि थाकी हारी अईले किसान-3

अँगना में अईया गावे सवईया-

कि मईया जी सानस पिसान-4

बुतूरू भी लेके पटिया पतारवा-

कि बाबा भीरी बईठस दलान-5

ई हे रहे पहिले के

चलिया चलनिया-

कि ना रहे कोई परेशान-6

लोग पढ़ी लिखी गईलें

पीरीतिया बँटईलें-

कि हो गईले चोर बेईमान-7

सँझिया खा होखे रोज होखे कीर्तन भजनिया-

कि रामजी के होखे गुन गान-8

बहल कवन हऊवा

आईल बदलऊआ-

कि बदलल मिजवजवा ईमान-9

आईं ए बाबा आईं ए काका-

अबहूँ से दीहीं जा ध्यान-10

नवका के लिहीं पुराना ना भुलीं-

कि एही में हऊवे कल्यान-11

रतिया कुशल से बिताईं सँघतिया-

चली जाईब होतहीं बिहान-12

अमरेन्द्र कुमार सिंह

आरा,बिहार।